Yig‘ilishda Xalq deputatlari Termiz shahar Kengashi raisi D.Normuradova boshchiligida Kengashning tegishli doimiy komissiyalari raislari va a’zolari, shahar deputatlari, kotibiyat mudiri A.Ashurov hamda kotibiyatning bosh mutaxassislari ishtirok etdilar.

💬 Yig‘ilish davomida navbatdagi sessiya kun tartibiga kiritilishi rejalashtirilayotgan davlat va boshqa tashkilotlar hisobot hamda axborotlarini chuqur tahlil qilish, ular yuzasidan joylarda nazorat-tahlil tadbirlarini tashkil etish masalalari atroflicha muhokama qilindi. Shuningdek, har bir yo‘nalish bo‘yicha amaliy chora-tadbirlar ishlab chiqish hamda ularni tegishli doimiy komissiyalar o‘rtasida taqsimlash yuzasidan aniq vazifalar belgilab olindi.

📌 Yig‘ilishda alohida ta’kidlanganidek, O‘zbekiston Respublikasining “Mahalliy davlat hokimiyati to‘g‘risida”gi Qonuni hamda Kengash Reglamenti talablariga muvofiq, sessiya kun tartibiga kiritiladigan har bir masala dastlab tegishli doimiy komissiyalarda atroflicha ko‘rib chiqilishi, o‘rganilishi va asoslantirilgan xulosalar berilishi shart hisoblanadi.

🫥 Bu kabi tizimli yondashuv xalq deputatlari mahalliy Kengashlari faoliyatida ochiqlik, mas’uliyat va samaradorlikni ta’minlashda, shuningdek, qabul qilinadigan qarorlarning xalq manfaatlariga to‘la mos kelishida muhim ahamiyat kasb etadi.

💬"Sessiyaga mas’uliyat bilan yondashish, har bir masalani chuqur tahlil qilish va uni qonuniy asosda tayyorlash — xalqimizning ishonchini oqlash demakdir. Har bir qaror xalq manfaatiga xizmat qilishi shart," — deya ta’kidladi Kengash raisi D.Normuradova.