Oʻzbekiston Respublikasi Vazirlar Mahkamasining 2024-yil 21-noyabrdagi 774-son qarori bilan davlat hisobidan yuridik yordam koʻrsatadigan advokatlarni jalb etish va ularga haq toʻlash tartibi tasdiqlandi.

Mazkur qarorga koʻra:

Kam taʼminlangan fuqarolar, gumon qilinuvchilar, sudlanuvchilar hamda boshqa qonunda belgilangan shaxslarga bepul yuridik yordam koʻrsatiladi.

Advokatlar maxsus “Yuridik yordam” axborot tizimi orqali tanlanadi.

Yuridik yordam olish uchun fuqarolar adliya organlariga murojaat qiladi.

Advokatlarga haq davlat budjeti hisobidan aniq belgilangan tartibda toʻlanadi.

Jarayonning shaffofligi elektron tizim orqali taʼminlanadi.

Ushbu qaror aholining huquqiy himoyasini kuchaytirish, adolatli sudlovga erishish va yuridik yordam tizimini yanada takomillashtirishga xizmat qiladi.