Xalq deputatlari Qo‘shko‘pir tuman Kengashi deputati Ruhiya Ismoilova Bahoriston mahallasida saylovchilar bilan navbatdagi uchrashuvini o‘tkazdi. Uchrashuv davomida aholi tomonidan bildirilgan taklif va mulohazalar atroflicha tinglanib, hududdagi dolzarb muammolar yuzasidan fikr almashildi.

Muloqot jarayonida fuqarolarni qiynab kelayotgan masalalar tanqidiy-tahliliy jihatdan ko‘rib chiqildi. Xususan, ijtimoiy soha, infratuzilma hamda kommunal xizmatlar bilan bog‘liq bir qator muammolar muhokama markazida bo‘ldi.

Uchrashuv yakunida 3 ta muhim masala yuzasidan tegishli tashkilot va idoralarga deputatlik so‘rovnomalari yuborildi. Mazkur muammolarning ijobiy hal etilishi deputat tomonidan alohida nazoratga olindi.