32-SON MAKTABGACHA TA’LIM TASHKILOTIDAGI KAPITAL TA’MIRLASH ISHLARI
O‘RGANILMOQDA 

Xalq deputatlari Quva tuman Kengashi deputatlari Y.Axmadaliyev, D.Sodiqova,
Yoshlar maslahat guruhi rahbari J.Abdurashidov hamda kotibiyat bosh mutaxassisi
M.To‘xtasinov ishtirokida 32-son maktabgacha ta’lim tashkilotida amalga
oshirilayotgan kapital ta’mirlash ishlari o‘rganildi. 

Umumiy qiymati 7 mlrd 200 mln 511 ming so‘m bo‘lgan loyiha “FERGANA AVTOMAT
RASCHOT” MChJ tomonidan amalga oshirilmoqda. 

Jarayonda qurilish ishlarining sifati, loyiha-smeta hujjatlariga
muvofiqligi, energiya tejovchi texnologiyalarning qo‘llanilishi va belgilangan
muddatlarga rioya etilishi masalalariga e’tibor qaratildi. 

O‘rganishlar yakunida aniqlangan kamchiliklarni bartaraf etish, qurilish
ishlarini sifatli yakunlash hamda obyektni belgilangan muddatda foydalanishga
topshirish yuzasidan tegishli tavsiyalar berildi.