XALQ FAROVONLIGI — ISLOHOTLARIMIZNING BOSH MEZONI

Yangi O‘zbekistonni barpo etish yo‘lidagi keng ko‘lamli bunyodkorlik va obodonlashtirish ishlari, avvalo, aholining munosib va qulay sharoitlarda yashashini ta’minlashga qaratilmoqda.

Xalq deputatlari Termiz tumani Kengashining 1-“Xalqobod” saylov okrugi deputati N. Ro‘ziyeva tomonidan saylangan Orol MFY hududida amalga oshirilayotgan asfaltlashtirish ishlari bilan yaqindan tanishildi.

O‘rganish davomida yo‘llarni zamonaviy talablarga moslashtirish, hudud infratuzilmasini yaxshilash hamda aholiga qulay sharoit yaratish borasida olib borilayotgan ishlarning sifati va samaradorligiga e’tibor qaratildi.

Shuningdek, tuman Kengashi mudiri A. Avliyaqulov ishtirokida amalga oshirilayotgan ishlarning borishi ko‘zdan kechirilib, mavjud masalalarni o‘z vaqtida hal etish yuzasidan tegishli taklif va tavsiyalar bildirildi.

Obod mahalla — farovon hayot, qulay infratuzilma — xalq farovonligining muhim omilidir.