Xalq deputatlari Qumqo‘rg‘on tuman Kengashi deputatlari Q.Chorshanbiyev, D.Shoimqulova va R.Mengziyayevalar  tuman tibbiyot birlashmasida bo‘lib, amaliyot jarayonida ishtirok etgan tibbiyot xodimlari bilan suhbatlashdilar hamda amalga oshirilayotgan ishlar bilan tanishdilar.

Jarrohlik amaliyoti davomida Th10–L2 qisman, Th11–Th12 to‘liq dekompressiv laminektomiya bajarildi.

Shuningdek, Th10–Th11 va L1–L2 darajalarida transpedikulyar fiksatsiya (TPF) tizimi yordamida umurtqa pog‘onasini stabilizatsiya qilish amaliyoti o‘tkazildi.

Mazkur murakkab jarrohlik amaliyoti Xolto‘rayev Xumoyun boshchiligidagi tajribali shifokorlar guruhi tomonidan amalga oshirildi.

Bunday murakkab amaliyotlarning tuman miqyosida muvaffaqiyatli bajarilayotgani aholiga ko‘rsatilayotgan tibbiy xizmatlar sifati va zamonaviy tibbiy texnologiyalardan foydalanish imkoniyatlari tobora kengayib borayotganidan dalolat beradi.