Deputat nazorati

Xalq deputatlari Qo‘shko‘pir tumani Kengashi deputati Ahmedov Jahongir Rahimbergan o‘g‘li tomonidan 2026-yil 3-iyun kuni Qo‘shko‘pir tumanining Ittifoq mahallasida joylashgan 18-sonli davlat maktabgacha ta’lim tashkilotida oziq-ovqat ta’minoti holatini o‘rganish yuzasidan deputatlik nazorati tadbiri o‘tkazildi.

O‘rganish jarayonida muassasada tarbiyalanuvchilar uchun yaratilgan sharoitlar, oziq-ovqat mahsulotlarining sifati, saqlanish holati hamda belgilangan me’yorlarga muvofiqligi ko‘zdan kechirildi. Mazkur deputatlik nazorati aholining, ayniqsa, yosh avlodning manfaatlarini himoya qilish, maktabgacha ta’lim tizimida sifat va shaffoflikni ta’minlash hamda ijtimoiy sohadagi davlat siyosatining ijrosini samarali nazorat qilishga qaratildi.