Xalıq deputatları Bozataw rayonlıq Keńesindegi ÓzLiDeP deputatlıq toparınıń náwbettegi esabat tıńlaw májilisi bolıp ótti.
Májiliste partiya deputatlıq toparınıń aǵzaları, rayonlıq Mádeniyat bólimi basshıları, tiyisli shólkemler qatnastı. 

Esitiw kún tártibine muwapıq: Bozataw rayonı Mádeniyat bólimi tárepinen 2026-jılda ámelge asırılǵan jumıslar boyınsha esabatı tıńlandı. 

Deputatlıq esitiwde ÓzLiDeP deputatları esabat nátiyjelerin tallap, Mádeniyat bólimi tárepinen xalıqqa mádeniy xizmet kórsetiw servisin rawajlandırıw boyınsha jıl dawamında rayon xalqınıń mádeniy dem alıwı ushın rayonlıq mádeniyat bólimi tárepinen koncert baǵdarlamaları shólkemlestiriw. Ulıwma xalıqlıq bayramlar, ǵalabalıq-mádeniy hám koncert-tamasha ilajların shólkemlestiriw hám ótkeriw boyınsha kalendar reje tiykarında rayonda ǵalabalıq-mádeniy hám koncert tamasha ilajları turaqlı túrde Televideniye, Radio hám Internet tarmaqlarda jarıtıw boyınsha usınıslar qoyıldı. Májilis juwmaǵında Partiyanıń Bozataw rayonlıq Keńesindegi deputatlıq toparı usı máseleler boyınsha tiyisli shólkemler menen birgelikte turaqlı deputatlıq qadaǵalawdı ámelge asırıwı belgilendi.