Xalq deputatlari Jondor tumani Kengashiga 3-Romish saylov okrugidan saylangan deputat R.Bozorova hamda tuman Kengashi kotibiyati mudiri I.Xolov va bosh mutaxassis R.Murodovlar hamkorligida “Romish” mahalla fuqarolar yig‘inida saylovchilar bilan uchrashuv tashkil etildi.

✔️Uchrashuv davomida aholi tomonidan hududdagi ayrim ichki yo‘llarning holati yuzasidan muammolar borligi bildirildi. Fuqarolar ichki ko‘chalarda harakatlanish qiyinlashayotgani, ayniqsa yomg‘irli kunlarda bu muammo yanada sezilayotganini ta’kidlab, yo‘llarni shag‘allashtirishga amaliy yordam so‘radilar.

✔️Murojaatlar yuzasidan deputat R.Bozorova muammoni joyiga chiqqan holda o‘rganib, mavjud holat bilan yaqindan tanishdi. O‘rganishlar natijasiga ko‘ra, muammoni bartaraf etish maqsadida tuman hokimining o‘rinbosari X.Bafoyev nomiga deputat so‘rovi yuborildi.

✔️Uchrashuv davomida aholi murojaatlarini o‘z vaqtida o‘rganish va ularga yechim topish deputatlik faoliyatining muhim yo‘nalishlaridan biri ekani ta’kidlandi. Fuqarolar bilan ochiq muloqot qilish, hududlardagi dolzarb muammolarni aniqlash va ularni hal etish bo‘yicha amaliy choralar ko‘rish ishlari izchil davom etmoqda.