Халқ депутатлари Миробод туман Кенгаши раиси, депутат Х.Каюмовнинг “Юксалиш” МФЙда бўлиб ўтган қабулида, Қўйлиқ-3 мавзеси, 36 уйда яшовчи 1-гурух ногирони С.Баландиннинг яшаб турган уйи тамирталаблиги тўғрисида мурожаат бўлганди. 

⚡️ Депутат Х.Каюмов махалла раиси И.Аринов билан биргаликда С.Баландиннинг хонадони жойига чиқиб ўрганди. 

Хақиқатда уй таъмирга мухтожлиги аниқланди. Депутат Х.Каюмов Миробод тумани “Инсон” ижтимоий хизматлар маркази директори К.Рустамов билан боғланиб, масалани ечими юзасидан халқ депутатлари Миробод туман Кенгашининг навбатдаги сессияси мухокамасига таъмирлаш ишлари учун асосланган хужжатлар тўпламини тақдим этиши ҳақида, шунингдек, Кенгаш қарори билан туман ҳокимлиги ҳузуридаги “Инфратузилма ва ижтимоий барқарорлик” жамғармаси номига “Саховат ва кўмак”, “Ёшлар дафтари” ва “Аёллар дафтари” жамғармаларининг ҳар биридан 30,9 млн.сўмдан маблағ ўтказиб бериш тўғрисида депутат билан биргаликда таклиф киритишини сўради. 

Кенгаш ўз навбатида 24-апрел куни бўлиб ўтадиган сессиясида ушбу масалани кўриб чиқиб, Сергей Иванович ва шу каби бошқа хонадонларни таъмирлаш ишларига маблағ йўналтирилиши тўғрисида ижобий қарор қабул қилишини мурожаатчи ва махалла раисига маълум қилди.

Ўзбекистон Республикаси Президентининг2025-йил 30-январдаги “Аҳолини ижтимоий ҳимоя қилиш тизимини молиялаштириш тартиб-таомилларини такомиллаштириш тўғрисида”ги ПФ-17-сон Фармони ҳамда 2026-йил 5-февралдаги “2026-йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида”ги ПҚ-49-сон Қарорига асосан Ўзбекистон Республикаси Президенти ҳузуридаги Ижтимоий ҳимоя миллий агентлиги, Иқтисодиёт ва молия вазирлиги, Энергия самарадорлиги миллий агентлиги, Қурилиш ва уй жой коммунал хўжалиги вазирлиги, Оила ва хотин-қизлар қўмитаси, Ёшлар ишлари агентлигининг қўшма қарори, Энергия самарадорлиги миллий агентлигининг 2026-йил 11-мартдаги 01-13/402-сонли ва Ижтимоий ҳимоя миллий агентлигининг 2026-йил 11-мартдаги 05/22/2138-сонли қўшма хати.

📌 Энди сессия қарори ва натижани кутамиз, бизни ижтимоий тармоқларда кузатиб боринг.