Xalq deputatlari Chinoz tumani Kengashi deputati, doimiy komissiya raisi Ra'no Fozilova hamda doimiy komissiya a’zosi Laziza Sobirjonovalar tomonidan “Yoshlarga oid davlat siyosati to‘g‘risida”gi qonunning tumandagi ijrosini o‘rganish maqsadida Yoshlar ishlari bo‘limi boshlig‘ining faoliyati tahlil qilindi.

O‘rganish jarayonida Yoshlar ishlari bo‘limi boshlig‘i D.Qodirov bilan uchrashuv o‘tkazilib, tumanda yoshlar bilan ishlash tizimi, amalga oshirilayotgan loyiha, yoshlarni qo‘llab-quvvatlashga qaratilgan dastur hamda ularning samaradorligi muhokama qilindi.

Shuningdek, qonun ijrosini yanada samarali tashkil etish, yoshlarning ijtimoiy faolligini oshirish, ularni bandlik, ta’lim va tadbirkorlikka keng jalb etish masalalari yuzasidan fikr-mulohazalar almashildi.

Uchrashuv yakunida yoshlar bilan ishlash tizimini yanada takomillashtirish qonun ijrosini ta’minlash bo‘yicha tegishli tavsiyalar berildi.