“Movarounnahr” MFY binosida Mirobod tumani hokimining xotin-qizlar masalalari bo‘yicha o‘rinbosari F.V.Madaminova va Xalq deputatlari Mirobod tuman Kengashi deputati A.B.Mamanazarovning hamkorlikda tashkil etilgan fuqarolar qabuli bo‘lib o‘tdi.

Qabulda "Movarounnahr", "Mingo‘rik", "Salor" va "Temiryo‘lchilar" MFYda yashovchi fuqarolarning ijtimoiy, tibbiy yordam, kommunal xizmatlardan qarzdorlik, bandlik, obodonlashtirish hamda boshqa masalalar yuzasidan murojaatlari tinglandi. 

Shuningdek, ayrim masalalar joyida ijobiy hal etildi, qo‘shimcha o‘rganish talab etilgan murojaatlar yuzasidan mutasaddi rahbarlarga topshiriqlar berilib, ijroga yo‘naltirildi.

Xalq deputatlari Mirobod tuman Kengashi va tuman hokimining o‘rinbosarlari bilan birgalikda tasdiqlangan ish rejasi asosida mahallalarda fuqarolar bilan ochiq muloqot va qabullarni tashkil etish unda mavjud muammolarni tizimli hal etish ishlari izchil davom ettirilmoqda.

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash 

Facebook tarmog‘ida: https://www.facebook.com/share/p/1CMZpdqxre/