Xalq deputatlari Paxtakor tumani Kengashi deputati Usmonali Safarov Paxtakor mahallasida joylashgan o‘quv markazi faoliyati bilan yaqindan tanishdi. 

U markazda ta’lim jarayoni qanday tashkil etilganini, o‘quvchilarning bilim olish sharoitlarini va o‘qituvchilarning pedagogik faoliyatini batafsil o‘rgandi.

Deputat markaz xodimlari bilan suhbatlashib, ularning ish faoliyatini yaxshilash, o‘quv jarayonini samarali tashkil etish va o‘quvchilarga sifatli ta’lim taqdim etish bo‘yicha tavsiyalar berdi. 

Deputat tashrifi davomida markaz o‘quvchilari bilan muloqot qilib, ularning ehtiyojlari, qiziqishlari va qo‘shimcha ta’limga bo‘lgan istaklarini tingladi. Bu tashrif markazning faoliyatini yanada takomillashtirish, o‘quvchilarga qulay va samarali sharoit yaratish hamda pedagogik jamoaning ish sifatini oshirishga xizmat qiladi.