Olmaliq shahri so‘nggi yillarda sanoat markazi bo‘lish bilan birga, yashil hududlarni kengaytirishga ham katta e’tibor qaratmoqda. Shahardagi xiyobon va bog‘larning bugungi holati bo'yicha Xalq deputatlari shahar Kengashining deputatlari hamda Ijtimoiy soha, yoshlar siyosati, xotin-qizlar, madaniyat va sport masalalari bo‘yicha komissiyasi o'rganish olib bormoqda.

📥Mazkur o'rganishlardan biri shahrimizdagi "Delfin" akva bog'i bo'lib, yoz mavsumida barcha shahrimiz aholisini o'z bag'riga chorlaydigan maskan hisoblanadi. Ushbu bog'da attraksionlarning holati, yoritish tizimi, bo‘sh maydonlarda daraxtlarni ekilganligi, bog‘ ichidagi o‘yin maydonchalarining xavfsizlik darajasi deputat tomonidan o'rganildi.

✍️O'rganish jarayonida bog' ichiga ishchi xodimlar tomonidan daraxt ko'chatlari ekilayotganligi kuzatildi va deputat tomonidan mas'ul xodimlarga o'rganishda aniqlangan kamchiliklar yuzasidan tavsiyalar berildi.