Xalq deputatlari Angor tumani Kengashining 9-Ulug‘bek saylov okrugi deputati Sultonova O‘g‘iloy hududdagi tibbiyot muassasasiga tashrif buyurib, bemorlar uchun yaratilgan sharoitlar hamda ko‘rsatilayotgan tibbiy xizmatlar sifati bilan yaqindan tanishdi. Tashrif davomida deputat muassasadagi palatalarni ko‘zdan kechirdi, bemorlar bilan suhbatlashib, ularning sog‘lig‘i va davolanish jarayonlari haqida suhbatlashdi Shuningdek, bemorlarga yaratilgan sharoitlar, sanitariya-gigiyena talablariga rioya etilishi hamda tibbiyot xodimlari faoliyati o‘rganildi. Deputat aholi salomatligini mustahkamlash, bemorlar uchun qulay sharoitlar yaratish va tibbiy xizmatlar sifatini yanada oshirish muhim vazifalardan biri ekanini ta’kidladi