Xalq deputatlari Gʻallaorol tuman Kengashi deputati Ismailov Akmal Qo‘ytosh SHFY aholisi bilan o‘tkazilgan uchrashuvda bildirilgan murojaatlar ijrosi yuzasidan amaliy ishlar olib borilmoqda.

Uchrashuv davomida fuqarolar tomonidan ko‘tarilgan muhim masalalardan biri — shaharchadagi eskirgan va yaroqsiz holatga kelib qolgan elektr transformatori hamda simyog‘ochlar bilan bog‘liq muammolar atroflicha o‘rganildi. Mazkur masala yuzasidan mutaxassislar ishtirokida joyiga chiqqan holda texnik ko‘rik o‘tkazilib, mavjud holat, xavfsizlik talablari va aholiga yetkazilayotgan noqulayliklar tahlil qilindi.

O‘rganishlar natijasiga ko‘ra, hududda elektr ta’minoti barqarorligi va xavfsizligini ta’minlash maqsadida tegishli hududiy elektr tarmoqlari korxonasiga deputatlik so‘rovi yuborildi. So‘rovda muammoni bartaraf etish, yaroqsiz infratuzilmani yangilash va profilaktik choralarni ko‘rish zarurligi asoslandi.