Deputat D. Komilova 49-tibbiyot bo‘limida tibbiy xizmatlar sifati bilan tanishdi 

15-Fayzabod okrugidan saylangan deputat D. Komilova aholiga o‘z vaqtida va sifatli tibbiy
yordam ko‘rsatilishi holatini o‘rganish maqsadida hududdagi 49-tibbiyot
bo‘limida bo‘ldi. Tashrif davomida tibbiyot muassasasida fuqarolarga
ko‘rsatilayotgan xizmatlar sifati, mutaxassislar faoliyati hamda mavjud
shart-sharoitlar o‘rganildi. 

O‘rganish jarayonida bemorlarni qabul qilish tartibi, tibbiy asbob-uskunalar holati va
dori-darmon ta’minotiga alohida e’tibor qaratildi. Shuningdek, tibbiyot
xodimlari bilan suhbat o‘tkazilib, mavjud muammolar va ularni bartaraf etish
bo‘yicha takliflar bildirildi. 

Deputat D. Komilova aholi salomatligini muhofaza qilish ustuvor vazifa ekanini ta’kidlab,
aniqlangan masalalarni tegishli tashkilotlar bilan hamkorlikda hal etish
choralari ko‘rilishini bildirdi.