Xalq deputatlari Boyovut tumani Kengashi raisi Obloqul Isanov bugun S. Ayniy mahallasida saylovchilar bilan uchrashuv o‘tkazdi. Uchrashuv ochiq va samimiy muloqot ruhida bo‘lib o‘tdi.

Muloqot davomida saylovchilar tomonidan mahalla hayotiga daxldor bir qator dolzarb masalalar ko‘tarildi. Xususan, oqova suv va ichimlik suvi ta’minoti, ichki ko‘chalarni ta’mirlash, chiqindilarni o‘z vaqtida olib chiqish, elektr ustunlarini yangilash hamda boshqa infratuzilma muammolari yuzasidan atroflicha fikr almashildi.

Kengash raisi tomonidan bildirilgan murojaatlar diqqat bilan tinglanib, ularning har biri bo‘yicha tegishli mutasaddi tashkilotlar bilan hamkorlikda amaliy choralar ko‘rilishi, masalalar nazoratga olinishi ta’kidlandi. Shuningdek, fuqarolar bilan bunday uchrashuvlar mahallalarda mavjud muammolarni joyida o‘rganish va ularning yechimiga erishishda muhim ahamiyat kasb etishi qayd etildi.