Xotin-qizlarni ijtimoiy-huquqiy jihatdan qoʻllab-quvvatlash, ularning oila va jamiyatdagi mavqeyini mustahkamlashga qaratilgan keng koʻlamli ishlar amalga oshirilmoqda. Bu boradagi saʼy-harakatlar xalq deputatlari Shofirkon tumani Kengashi deputatlari tomonidan ham tizimli yoʻlga qoʻyilgan. Tumandagi “Qalmaqon” mahallasida xalq deputatlari Shofirkon tumani Kengashi deputati Zulfiya Ashurova tomonidan mazkur mahalla faollari bilan birgalikda xotin-qizlarning muammolarini oʻrganishga qaratilgan sayyor qabul tashkil qilindi. Unda ushbu hududda istiqomat qilayotgan “Ayollar daftari” roʻyxatidagi bir guruh xotin-qizlar bilan suhbat olib borildi. Muammolari oʻrganildi. Ochiq muloqot jarayonida xotin-qizlar tomonidan kelib tushgan oʻnga yaqin murojaat boʻyicha huquqiy va psixologik maslahat berildi.

Xotin-qizlarning huquqiy manfaatlarini har tomonlama himoya qilish, ish bilan taʼminlash, mehnat va oʻqish sharoitlarini yaxshilash maqsadida tumandagi “Qalmaqon” MFY da istiqomat qiluvchi fuqaro Nozima Inoyatovaning xonadonida bo’lishdi. Ma’lum bo’lishicha fuqaro 5 oy oldin 2 nafar voyaga yetmagan farzandi bilan otasining uyiga arazlab kelgan, mahalla faollari oilani bir necha bor yarashtirishga urunishgan va natija bo’lmagan. Shundan so’ng, partiya faollari “Qo’rg’oni Vardonze” MFYda yashovchi turmush o’rtog’i Feruz Akmalov bilan suhbatlashib, tushuntirish ishlarini olib borishdi. Faollarning say-harakatlari zoye ketmadi va yosh oila yarashtirildi. Shuningdek, markur mahallada istiqomat qiluvchi 4-bosqich “Ayollar daftari”ning 3.1 va 4.1 toifalarda ro’yxatda turuvchi xotin-qizlar xonadonlarini taʼmirlash uchun mahalla xodimlari va moliya bo’limi xodimi bilan o’rganish ishlari olib borildi. 

Bundan tashqari nogironligi boʻlgan va oʻzgalar parvarishiga muhtoj xotin-qizlarga davolanishi uchun saxovatpesha homiylar bilan hamkorlikda moddiy yordam toʻlab berilishi belgilandi. Yana uch nafar ayolga kundalik ehtiyojlari uchun kerakli oziq-ovqat mahsulotlari tarqatildi.