#Deputatlik_nazorati #24_ta_tavsiyaviy_savol

❗️ OLMAZOR TUMANIDAGI 242-SONLI MAKTABDA TA’LIM SIFATI VA PREZIDENT FARMONI IJROSI DEPUTATLAR TOMONIDAN O‘RGANILDI

🏛 Xalq deputatlari Toshkent shahar Kengashi deputati Frangiza Akramova hamda Xalq deputatlari Olmazor tumani Kengashi deputati Umida Fayziyeva tomonidan Olmazor tumanidagi 242-sonli umumiy o‘rta ta’lim maktabida ta’lim-tarbiya jarayonining tashkil etilishi, o‘quvchilar uchun yaratilgan shart-sharoitlar hamda ta’lim muassasasining mavjud holati yuzasidan o‘rganish ishlari olib borildi.

🔎 O‘rganish davomida maktabdagi ta’lim sifati, o‘quv jarayonining tashkil etilishi, moddiy-texnik bazaning holati, o‘quvchilar uchun yaratilgan sharoitlar hamda mavjud muammo va kamchiliklar bevosita joyiga chiqib ko‘zdan kechirildi.

📚 Xususan, O‘zbekiston Respublikasi Prezidentining 2025-yil 19-martdagi PF-51-son “Maktabgacha va maktab ta’limi sohasida boshqaruv tizimi samaradorligini oshirishning qo‘shimcha chora-tadbirlari to‘g‘risida”gi Farmoni ijrosining Olmazor tumanidagi holatini o‘rganish masalasi muhokama qilindi.

📖 Mazkur yo‘nalishda ta’lim muassasalarida boshqaruv samaradorligini oshirish, o‘quvchilarning sifatli bilim olishi uchun zarur sharoitlarni yaratish, ularning bilim va ko‘nikmalarini rivojlantirish hamda ta’lim sifati ustidan tizimli monitoring olib borish masalalariga alohida e’tibor qaratildi.

👩‍🏫 Deputat Frangiza Akramova maktablarda ta’lim sifatini oshirish faqat o‘quv jarayonini tashkil etish bilan cheklanmasdan, o‘quvchilar uchun munosib sharoitlar yaratish, ta’lim muassasasining moddiy-texnik imkoniyatlarini yaxshilash va mavjud muammolarni o‘z vaqtida bartaraf etish bilan ham chambarchas bog‘liq ekaniga e’tibor qaratdi.

🏫 Shu bilan birga, maktabda yaratilgan ta’lim muhiti, o‘quvchilarning bilim olishi uchun mavjud imkoniyatlar hamda ta’lim-tarbiya jarayonini yanada takomillashtirishga oid masalalar ko‘rib chiqildi.

📋 Mazkur o‘rganish mahalliy Kengash deputatlari faoliyatining muhim yo‘nalishlaridan bo‘lgan ta’lim muassasalaridagi mavjud sharoitlarni joyiga chiqib o‘rganish, ijtimoiy infratuzilma holatiga e’tibor qaratish hamda qonunchilik hujjatlari ijrosi yuzasidan deputatlik nazoratini amalga oshirish vazifalari bilan bevosita bog‘liq.

💡 O‘rganish jarayonida 242-sonli maktabda aniqlangan masalalar yuzasidan tegishli tavsiyalar berilib, mavjud muammolarni bartaraf etish, ta’lim sifatini yanada oshirish hamda o‘quvchilar uchun qulay sharoitlarni ta’minlash bo‘yicha zarur choralarni ko‘rish masalalari muhokama qilindi.

🤝 Frangiza Akramova va Umida Fayziyeva tomonidan ta’lim muassasasida o‘rganilgan masalalar, jumladan, Prezidentning PF-51-son Farmoni ijrosi, ta’lim sifati va moddiy-texnik sharoitlarni yaxshilashga oid vazifalar deputatlik nazoratiga olindi.

🔺 Ta’kidlanganidek, ta’lim muassasalaridagi mavjud holatni bevosita o‘rganish, muammolarni aniqlash va ularning yechimi yuzasidan tegishli choralarni belgilash yosh avlodning sifatli ta’lim olishi uchun muhim ahamiyat kasb etadi.

📱 Telegram 📱 Instagram 📱 Facebook 📱 YouTube 🔎 E-kengash