#Ekspert_guruhi_faoliyati
#Tashkilot_bilan_hamkorlik
#Doimiy_komissiya_faoliyati
#Kotibiyat_Mudir_ish_reja_ijrosi
#Kunlik_ish_reja
#162_qonun

⚡️ Elektr ta'minoti korxonasida deputatlik nazorati o'tkazildi.

Xalq deputatlari Angor tumani Kengashining tegishli doimiy komissiyasi tomonidan deputatlik nazorati doirasida Angor tumani elektr ta’minoti korxonasida o‘rganish ishlari olib borildi.
O‘rganish jarayonida O‘RQ-940-son “Energiyani tejash, undan oqilona foydalanish va energiya samaradorligini oshirish to‘g‘risida”gi Qonun talablarining amaliyotdagi ijrosi, energiya resurslaridan oqilona foydalanish hamda energiya samaradorligini ta’minlash masalalariga e’tibor qaratildi.

O‘rganishda tuman Kengashi deputati Norquvvot To‘rayev hamda Kengash kotibiyati mudiri M. Yarmatov va Ekspert guruhi a'zosi ishtirok etdi. Angor tumani elektr ta’minoti korxonasi boshlig‘i S. Bo‘tayorov tomonidan doimiy komissiya a’zolariga korxonada amalga oshirilayotgan ishlar haqida batafsil ma’lumot berildi.

Shuningdek, korxonaning dispetcherlik bo‘limi faoliyati ham o‘rganilib, fuqarolardan kelib tushayotgan murojaatlarni o‘z vaqtida qabul qilish, ularni tezkor ko‘rib chiqish va amaliy hal etish masalalari muhokama qilindi.Aholiga qulaylik yaratish va murojaatlarni tezkor qabul qilish maqsadida dispetcherlik xizmatida 5 ta uyali aloqa operatori telefon raqamlaridan foydalanish imkoniyati yo'lga quyilgan.

O‘rganish yakunlari bo‘yicha aniqlangan masalalarni bartaraf etish, fuqarolar murojaatlariga o‘z vaqtida munosabat bildirish hamda elektr ta’minoti xizmatlari sifatini yanada yaxshilash yuzasidan tegishli tavsiya va takliflar berildi.

Deputatlik nazorati — aholi manfaatlarini ta’minlash, murojaatlarni o‘rganish va mavjud muammolarni amaliy hal etishga xizmat qiladi.