#deputat_okrugida #deputat_faoliyati #kotibiyat_xodimi_faoliyati #nazorat_tahlil #162_ta_Qonun_ijrosi

«Xomkon» mahallasida bepul dori-darmonlar bilan ta’minlash holati o‘rganildi

Xalq deputatlari Qiziriq tumani Kengashiga 6-Xomkon saylov okrugidan saylangan deputat U. Yangiboyev o‘z saylov okrugidagi «Xomkon» mahallasida tuman Kengashi kotibiyati bosh mutaxassisi A. Mamarajabov bilan birgalikda «Mahalliy Kengash deputati faoliyatining eng muhim yo‘nalishlari bo‘yicha 24 ta tavsiya»ning 9-yo‘nalishi — aholining bepul beriladigan dori-darmonlar bilan ta’minlanish holati yuzasidan o‘rganish olib bordi.

O‘rganish davomida mahalla tibbiyot punktida bepul berilishi belgilangan dori-darmonlarning mavjudligi, ularning tegishli tartibda saqlanishi hamda bemorlarga belgilangan tartibda yetkazib berilishi holati ko‘zdan kechirildi. Shuningdek, tibbiyot xodimlari bilan suhbatlashilib, dori-darmonlarga bo‘lgan ehtiyoj, bemorlarni ta’minlash jarayoni va mavjud masalalar yuzasidan qo‘shimcha ma’lumotlar olindi.

Shuningdek, o‘rganish jarayonida O‘zbekiston Respublikasining “Fuqarolar sog‘lig‘ini saqlash to‘g‘risida”gi Qonuni, O‘RQ-265-I-son, 1996-yil 29-avgustda qabul qilingan Qonun ijrosi yuzasidan ishlab chiqilgan savolnoma asosida ham tegishli o‘rganish ishlari olib borildi. Savolnoma asosida fuqarolarga tibbiy xizmat ko‘rsatish, ularning sog‘lig‘ini muhofaza qilish hamda tibbiy yordamdan foydalanish imkoniyatlari bilan bog‘liq masalalar ko‘rib chiqilib, mavjud holat yuzasidan qo‘shimcha ma’lumotlar olindi.

Aniqlangan holatlar yuzasidan bemorlarni zarur dori-darmonlar bilan ta’minlashni yanada yaxshilash, mavjud ehtiyojlarni o‘rganish hamda aholiga tibbiy xizmat ko‘rsatish sifatini oshirish bo‘yicha tegishli tavsiya va takliflar bildirildi.

Mazkur yo‘nalishdagi ishlar deputatlik nazorati doirasida davom ettiriladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram