🏫 49-maktabning kuz-qish mavsumiga tayyorgarligi o‘rganildi
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan ijtimoiy soha obyektlarining kuz-qish mavsumiga tayyorgarligi masalasi doirasida deputatlik o‘rganishi olib borilmoqda.
🔎 Xalq deputatlari Pastdarg‘om tumani Kengashi deputati M. Kumakov tomonidan 49-sonli umumiy o‘rta ta’lim maktabida kuz-qish mavsumiga tayyorgarlik holati o‘rganildi.
🌨 O‘rganish davomida maktabning isitish tizimi, qozonxonalarning holati, yoqilg‘i zaxirasi, elektr va tabiiy gaz ta’minoti, deraza va eshiklarning mavsumga tayyorligi hamda o‘quvchilar uchun zarur shart-sharoitlarning yaratilganligi ko‘zdan kechirildi.
📋 Shuningdek, mavsum davomida yuzaga kelishi mumkin bo‘lgan muammolarning oldini olish, aniqlangan kamchiliklarni bartaraf etish va maktabning kuz-qish mavsumini barqaror o‘tkazishini ta’minlash bo‘yicha mas’ullarga tavsiyalar berildi.
📌 O‘rganish natijalari navbatdagi sessiyada ko‘rib chiqiladigan masala doirasida umumlashtirilib, aniqlangan masalalar deputatlik nazoratiga olinadi.
🎯 Maqsad — ta’lim muassasasining kuz-qish mavsumini xavfsiz, barqaror va qulay sharoitda o‘tkazishini ta’minlash.