Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat Y.Narbekov tumanning Aydarali mahallasida joylashgan Chumchuqzor va Zavqiy ko‘chalariga homiylik mablag‘lari hisobidan tortilayotgan ichimlik suvi tarmog‘ining qurilish ishlari bilan tanishdi.

🔵O‘rganish davomida mahallada ichimlik suvi ta’minotini yaxshilash, aholi xonadonlariga sifatli va barqaror ichimlik suvini yetkazib berish imkoniyatlarini kengaytirish maqsadida jami 1 500 metr ichimlik suvi tarmog‘i qurilishi rejalashtirilgan. Tarmoqni barpo etish uchun zarur bo‘lgan suv quvurlari tuman hokimligi tomonidan ajratib berilgan.

🔵Shuningdek, qurilish-montaj ishlarini amalga oshirishda zarur bo‘lgan maxsus texnikalar homiylik asosida jalb qilingan. Bu esa mavjud imkoniyatlardan samarali foydalangan holda hududdagi ichimlik suvi bilan bog‘liq muammolarni bosqichma-bosqich hal etishga qaratilgan. O‘rganish jarayonida suv quvurlarini belgilangan yo‘nalishlar bo‘yicha yotqizish, qurilish ishlarini sifatli tashkil etish va tarmoqni aholi uchun samarali xizmat ko‘rsatadigan holatga keltirish masalalariga e’tibor qaratildi.

🔵Homiylik mablag‘lari va ajratilgan moddiy resurslardan maqsadli foydalanish, jalb qilingan texnikalardan samarali foydalanish hamda qurilish jarayonida aholi uchun ortiqcha noqulayliklar kelib chiqishining oldini olish bo‘yicha tegishli tavsiyalar berildi