O‘zbekiston Respublikasi Prezidentining PQ–406-son qarori hamda Oliy Majlis Senati Kengashining KQ–35-V-son qarori ijrosini ta’minlash, shuningdek, mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya asosida Marg‘ilon shahrida deputatlik nazorati tadbirlari izchil davom ettirilmoqda.

Navbatdagi o‘rganish Marg‘ilon shahar Kengashi deputatlari M.X. Mirzayev va M.S. Mirzayev tomonidan 17-Navro‘z saylov okrugidagi Navro‘z mahallasining Yuldosh shaharchasida olib borildi.

Unda O‘zbekiston Respublikasi Prezidentining “Barqaror ish o‘rinlarini yaratish va kichik biznesni jadal rivojlantirish orqali aholi daromadlarini oshirish chora-tadbirlari to‘g‘risida”gi PF–193-son Farmonida belgilangan vazifalarning mahalla darajasidagi ijrosi atroflicha ko‘rib chiqildi.

Xususan, aholi bandligini ta’minlash, daromad manbalarini kengaytirish, tadbirkorlik tashabbuslarini qo‘llab-quvvatlash hamda kambag‘allikni qisqartirish borasida hokim yordamchisi tomonidan amalga oshirilayotgan ishlar bevosita joyiga chiqqan holda o‘rganildi.

O‘rganish jarayonida mahalladagi mavjud imkoniyatlardan samarali foydalanish, bandlikka muhtoj fuqarolarni ish bilan ta’minlash, aholi uchun qo‘shimcha daromad manbalarini yaratish hamda tadbirkorlik faoliyatini yo‘lga qo‘yish bo‘yicha amalga oshirilayotgan ishlarning amaliy natijalariga alohida e’tibor qaratildi.

Shuningdek, belgilangan vazifalarning qog‘ozdagi ko‘rsatkichlar bilan emas, balki aholining real hayotidagi natijalar bilan baholanishi zarurligi ta’kidlandi.

O‘rganish davomida aniqlangan masalalar deputatlik nazoratiga olindi hamda ularni bartaraf etish yuzasidan mas’ullarga tegishli tavsiyalar berildi.