#Haftalik_ish_reja_ijrosi
#deputat_faoliyati
#24_ta_masala

Bandixon" mahallasida soliq ma’murchiligi va tadbirkorlikni qo‘llab-quvvatlash masalalari deputatlik nazoratidan o‘tkazildi

✅Bandixon tumanida davlat organlarining quyi bo‘g‘inlari faoliyati samaradorligini oshirish, mahallabay ishlash tizimi orqali soliq bazasini kengaytirish hamda tadbirkorlik tashabbuslarini qo‘llab-quvvatlash borasida tizimli ishlar amalga oshirilmoqda.

✅Xalq deputatlari Bandixon tumani Kengashining 1-Bandixon saylov okrugi deputati X.Abdimo'minov hamda tuman Kengashi kotibiyati bosh mutaxassisi E.Eshonqulovlar "Bandixon" mahallasida bo‘lib, hududga biriktirilgan soliq xodimining ish faoliyatini atroflicha o‘rgandilar.

✅Mazkur nazorat-tahlil tadbiri O‘zbekiston Respublikasi Prezidentining PF-209-sonli Farmoni ijrosini ta’minlash hamda mahalliy Kengash deputatlari faoliyati uchun belgilangan “24 ta eng muhim yo‘nalish” doirasida tashkil etildi.

1. Soliq bazasini kengaytirish va yangi sub’ektlar:
Mahallada yangi biznes sub’ektlarini aniqlash, ularni qonuniy ro‘yxatdan o‘tkazishga ko‘maklashish hamda yashirin iqtisodiyot ulushini qisqartirish bo‘yicha ko‘rilayotgan choralar;

2. To‘lov madaniyati va intizom:
Aholi va tadbirkorlik sub’ektlari o‘rtasida soliq to‘lovlarini o‘z vaqtida amalga oshirish bo‘yicha tushuntirish ishlari hamda soliq qarzдорliklarini kamaytirish ko‘rsatkichlari;

3. Tadbirkorlarga amaliy ko‘mak:
Soliq xodimi tomonidan mahalladagi tadbirkorlarga yaratilayotgan imtiyozlar va preferensiyalar haqida ma’lumot berish hamda ularning muammolarini hal etishdagi ishtiroki.

✅Tashrif yakunida aniqlangan ba’zi kamchiliklarni bartaraf etish, soliq ma’murchiligida shaffoflikni ta’minlash hamda xonadonbay ishlash tizimi orqali mahalladagi iqtisodiy faollikni oshirish yuzasidan mutasaddi xodimga tegishli tavsiya va ko‘rsatmalar berildi.