Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat B.Azmetov tomonidan tumanning markaziy dehqon bozorida asosiy turdagi oziq-ovqat mahsulotlari narxi va ularning zaxirasi o‘rganildi.

🔺O‘rganish davomida bozordagi savdo rastalari ko‘zdan kechirilib, asosiy turdagi oziq-ovqat mahsulotlarining mavjudligi va ularning narxlari bilan tanishildi. Shuningdek, mahsulotlarning savdoga chiqarilishi, xaridorlar ehtiyoji va bozordagi talabdan kelib chiqib zaxiralarni shakllantirish masalalariga e’tibor qaratildi.

🔺Shu bilan birga, mavsumiy talab va aholining ehtiyojidan kelib chiqqan holda mahsulotlar zaxirasini yetarli darajada shakllantirish masalasi ham ko‘rib chiqildi. Zaxiralarning mavjudligi bozorda mahsulotlar taqchilligining oldini olish va aholi talabini barqaror qondirishda muhim omil hisoblanadi. Oziq-ovqat mahsulotlari bilan uzluksiz ta’minlash va ehtimoliy taqchilliklarni oldindan aniqlashga qaratilgan choralar davlat siyosatida ham nazarda tutilgan.

🔺Deputat tomonidan bozor mas’ullari bilan muloqot davomida mahsulotlar ta’minoti, zaxiralarni shakllantirish va narx-navo holati bo‘yicha ma’lumotlar olindi. Aholining xarid qobiliyatini inobatga olgan holda bozorda mahsulotlar turi va miqdorini yetarli darajada saqlab turish, narxlarda asossiz keskin o‘zgarishlarning oldini olish masalalariga e’tibor qaratildi.

🔺Shuningdek, bozorda savdo va xizmat ko‘rsatish jarayonlarida sanitariya talablariga rioya etish, mahsulotlarni belgilangan tartibda saqlash va iste’molchilar uchun qulay sharoitlarni ta’minlash muhimligi ta’kidlandi.