Xalq deputatlari Qo‘qon shahar Kengashi raisi O‘.Tojiyeva tomonidan “Nurafshon” mahalla fuqarolar yig‘inida yashovchi fuqaro M.Shermatova xonadonida o‘rganish ishlari olib borildi.

O‘rganish jarayonida Kengash raisiga mahalla ijtimoiy xodimi R.Yunusov, xotin-qizlar faoli X.Ergasheva hamda Kengash Kotibiyati mudiri A.Nosirov hamrohlik qildi.

O‘rganish davomida fuqaro M.Shermatova sog‘lig‘ini tiklash maqsadida jarrohlik amaliyotiga ehtiyoj mavjudligini bildirdi. Mazkur murojaat yuzasidan fuqaroning holati va mavjud imkoniyatlar o‘rganildi.

Kengash raisining topshirig‘iga asosan, fuqaroning tegishli hujjatlari mahalla ijtimoiy xodimi tomonidan belgilangan tartibda tegishli tizimga kiritildi.

Murojaatni belgilangan tartibda ko‘rib chiqish, fuqaroning ijtimoiy masalasini hal etishga ko‘maklashish va zarur choralarni ko‘rish bo‘yicha ishlar davom ettiriladi.

Xalq deputatlari Qo‘qon shahar Kengashi