Xalq deputatlari Farg‘ona tuman Kengashi deputatlari tomonidan fuqarolar murojaatlari bo‘yicha “Deputatlik so‘rovi” yuborildi.

Xalq deputatlari Farg‘ona tuman Kengashi kotibiyati tashabbusi bilan 2-sektor bilan hamkorlikda hududlarga o‘tkazilgan o‘rganishlar va ularda aniqlangan muammolar, ya’ni Qorayantoq va O‘rta qishloq mahalla fuqarolari yig‘inlarida istiqomat qiluvchi fuqarolarni qiynayotgan oqava va ichimlik suvi tanqisligi va buning natijasida olis hududlarda dehqonchilik bilan shug‘ullanuvchilarning tirikchilik manbaiga amaliy yordam berishlari uchun tuman hokimi X.T.Inomovga va tuman prokurori 2-sektor rahbari I.Boboqulovlarga tuman Kengashi deputati O.Dadajonova tomonidan “Deputatlik so‘rov”lari yuborildi.

Ushbu “Deputatlik so‘rov”lariga ko‘ra, fuqarolarni bir necha yillardan buyon qiynab kelayotgan muammoni hal bo‘lishiga ishonamiz. Zero, har doim ta’kidlaganimizdek, har qanday holatda ham xalqparvar mas’ullar albatta bu muammolarga yechim topib, jonajon xalqimizni rozi qiladilar.