Prezidentimiz Shavkat Mirziyoyev raisligida o‘tkazilgan yoshlar siyosati sohasidagi ishlar natijadorligini oshirish chora-tadbirlari yuzasidan videoselektor yig‘ilishida yoshlar bandligini ta’minlash, sifatli ta’lim
bilan qamrab olish va bo‘sh vaqtlarini mazmunli tashkil etish, ijtimoiy qo‘llab-quvvatlash hamda sog‘lom fikrlashlariga zamin yaratish bo‘yicha tegishli vazifalar belgilab berilgan edi. 

Tumanimizning 2-sektor hududida Xalq deputatlari Mirobod tuman Kengashi 5-Farovon saylov okrugi deputati G’.Xakimov hamda Mirobod tuman prokurori, 2-sektor rahbari A.Axunov tomonidan fuqarolar va “qizil toifa”dagi yoshlar uchun sayyor qabul bo‘lib o‘tdi.   

Qabulda Mirobod tumani hokimi o‘rinbosarlari, tegishli tashkilotlar mas’ullari ishtirok etib, fuqarolarning murojaatlariga yechim izlandi. 

Qabulda asosan tadbirkorlik uchun subsidiya ajratish, OTM uchun to’lov kontrakt qarzdorliklari, uy-joy, kasallikka chalingan farzandini davolatish uchun kam ta’minlangan oila bo‘lgani sababli moddiy yordam olish va boshqa masalalar atroflicha o‘rganib chiqildi. 

Mas’ullar tomonidan har bir fuqaroning muammosini eshitib, ularni hal etish choralarini ko‘rildi. Ayrim masalalarni joyida o‘rganish zarurligi bois, tegishli boshqarmalar mutaxassislari bilan birgalikda ko‘rib chiqiladigan bo‘ldi. Shuningdek, ayrim fuqarolarga zarur tavsiya va ma’lumotlar berildi.