Xalq deputatlari Yangiobod tuman Kengashi deputati Z.Abduraimova tomonidan Balandchaqir mahallasidagi 1-sonli umumiy o‘rta ta’lim maktabida o‘quvchilar uchun yaratilgan sport sharoitlari, xususan, sport zalining holati, undagi mavjud sport anjomlari va jihozlarning foydalanish darajasi yaqindan o‘rganildi.

O‘rganish davomida sport zalining umumiy holati, sanitariya va foydalanish sharoitlari, o‘quvchilar uchun yaratilgan imkoniyatlar, mavjud sport anjomlarining yetarliligi, sozligi, saqlanishi va amaliyotda foydalanilayotgani ko‘zdan kechirildi.

Shuningdek, jismoniy tarbiya darslarini sifatli tashkil etish, sport to‘garaklari faoliyatini samarali yo‘lga qo‘yish, o‘quvchilarni sportga keng jalb etish hamda ularning bo‘sh vaqtini mazmunli tashkil etishda sport zalidan unumli foydalanish masalalariga e’tibor qaratildi.

O‘rganish davomida maktab mas’ullari bilan suhbatlashilib, sport zalining moddiy-texnik bazasini mustahkamlash, zarur sport anjomlari bilan ta’minlanganlik darajasini yaxshilash, mavjud jihozlardan samarali foydalanish va ularning saqlanishini ta’minlash bo‘yicha fikr almashildi.