#deputatlik_nazorati_Uchtepa #24_ta_tavsiyaviy_savol #kotibiyat_hududlarda

YOG‘INGARCHILIK DAVRIDA SUV TO‘PLANISHINING OLDINI OLISH CHORALARI O‘RGANILDI

🕯 Toshkent shahrida kuchli yog‘ingarchiliklar davrida ko‘chalarda suv to‘planishining oldini olish, mavjud muammolarni bartaraf etish hamda irrigatsiya va drenaj tizimlarini yaxshilash bo‘yicha tizimli ishlar amalga oshirilmoqda.

🗂 Mazkur yo‘nalishdagi ishlar Toshkent shahar hokimining "2024-yil 20-martdagi 187-14-0-Q/24-sonli “Toshkent shahrida yog‘ingarchiliklar davrida suv to‘planishi bilan bog‘liq holatlarning oldini olish”"ga qaratilgan qarori asosida tashkil etilmoqda.

🇺🇿 Qaror ijrosi doirasida Foziltepa va Izza ko‘chalari kesishmasidagi obyektda amalga oshirilayotgan ishlar tuman hokimi, xalq deputatlari Uchtepa tumani Kengashi "16-Algoritm" saylov okrugi deputati Bunyod Mamadjanov hamda Kengash kotibiyati mudiri Anvar Usmanov tomonidan joyiga chiqqan holda o‘rganildi.

📈 O‘rganish davomida pudratchi tashkilot tomonidan amalga oshirilayotgan ishlar mas’ul mutaxassislar ishtirokida ko‘zdan kechirilib, bajarilayotgan ishlarning belgilangan vazifalarga muvofiqligi va kuz-qish mavsumiga tayyorgarlik holatiga e’tibor qaratildi.

🗣 Shuningdek, kuz-qish mavsumi oldidan tumandagi yana 5 ta shunga o‘xshash obyektda yog‘ingarchilik vaqtida suv to‘planishining oldini olish, suv o‘tkazish va drenaj tizimlarini yaxshilashga qaratilgan tegishli chora-tadbirlar amalga oshirilayotgani ta’kidlandi.

📁 Mazkur o'rganish mahalliy Kengash deputati faoliyatining eng muhim 24 ta tavsiyaviy yo'nalishi doirasida amalga oshirildi.

📝 Aniqlangan masalalar yuzasidan mas’ullarga tegishli tavsiya va ko‘rsatmalar berilib, mazkur ishlarning o‘z vaqtida va sifatli bajarilishi deputatlik nazoratiga olindi.