DEPUTATLIK NAZORATI: MAHALLADAGI MUAMMOLAR AMALIY YECHIM TOPMOQDA

🏘 Xalq deputatlari Mirzatup tumani Kengashi deputati, 23-Nayman saylov okrugidan saylangan Nurmamatova Sadokat Togayevna tomonidan Mirzatup mahallasida ishsizlik va kambag‘allikni qisqartirish, aholiga ijtimoiy xizmatlar ko‘rsatish hamda ijtimoiy infratuzilmani yaxshilash bo‘yicha belgilangan vazifalar ijrosi o‘rganilmoqda.

🔹 Deputat tomonidan mahalladagi ijtimoiy reyestrga kiritilgan 70 ta oila bilan manzilli ishlash, ularning ijtimoiy, ta’lim, tibbiy xizmatlarga bo‘lgan ehtiyojlarini aniqlash hamda daromadli mehnat bilan ta’minlash masalalari nazoratga olingan.

💼 Shuningdek:
▪️ 32 nafar ishsiz fuqaroni doimiy ish o‘rinlariga joylashtirish;
▪️ mahallada mikroloyihalarni tashkil etish orqali kamida 20 ta yangi ish o‘rni yaratish;
▪️ uzoq muddatli mehnat migratsiyasida bo‘lgan 103 nafar fuqaroning oilalari bilan manzilli ishlash;
▪️ ehtiyojmand oilalarning yashash sharoitlarini yaxshilash bo‘yicha amaliy choralar ko‘rish belgilangan.

🏗 Mahalla infratuzilmasini yaxshilash yo‘nalishida F.Bozorov va Anxor ko‘chalarini ta’mirlash, ichki ko‘chalarda obodonlashtirish va ariqlarni tozalash ishlari ham nazoratga olingan.

⚡️ Bundan tashqari, investitsiya dasturlari doirasida Mirzatup MFY binosini mukammal ta’mirlash, Boymoq qishlog‘idagi podstansiyani yangilash hamda mahalla hududida keksalar va yosh bolalarga tibbiy xizmat ko‘rsatish uchun zamonaviy tibbiyot binosini barpo etish masalalari belgilangan.

🤝 Mazkur vazifalarning ijrosi mahalla yettiligi, tuman hokimligi, tegishli tashkilotlar va mas’ul mutaxassislar bilan hamkorlikda muntazam monitoring qilib boriladi.

📊 Deputatlik nazorati — muammoni aniqlashdan uni amaliy hal etishgacha!