Termiz shahrida aholining ijtimoiy ehtiyojmand qatlamlarini qo‘llab-quvvatlash, ularga sifatli ijtimoiy xizmatlar ko‘rsatish hamda kam ta’minlangan oilalarning ijtimoiy himoyasini ta’minlash borasida deputatlik nazorati olib borilmoqda.

Xalq deputatlari Termiz shahar Kengashining 1-“Temiryo‘lchi” saylov okrugi deputati X.Fayzullayev hamda Kengash kotibiyati bosh mutaxassisi R.Mamashukurov tomonidan mahalladagi ijtimoiy xodim faoliyati o‘rganildi.

O‘rganish davomida aholining ijtimoiy ehtiyojmand toifalariga ko‘rsatilayotgan ijtimoiy xizmatlarning sifati va manzilliligi, fuqarolarning ijtimoiy muammolarini aniqlash hamda ularni hal etish bo‘yicha amalga oshirilayotgan ishlar tahlil qilindi.

Shuningdek, kam ta’minlangan oilalarga ijtimoiy nafaqalar va moddiy yordam tayinlash hamda to‘lash jarayonlarining amaldagi tartibda tashkil etilgani, ehtiyojmand oilalarning ijtimoiy himoya bilan qamrab olinishi va murojaatlarning o‘z vaqtida ko‘rib chiqilishi holatiga e’tibor qaratildi.

O‘rganish yakunlari bo‘yicha aholining ijtimoiy ehtiyojmand qatlamlariga ko‘rsatilayotgan xizmatlar sifatini yanada oshirish, ijtimoiy yordamning manzilliligini ta’minlash hamda aniqlangan masalalarni bartaraf etish yuzasidan mas’ullarga tegishli tavsiya va ko‘rsatmalar berildi.