Xalq deputatlari Chilonzor tumani Kengashi deputatlari Murotova Lola Ne’matjon qizi va Nazirov Madaminjon Ma’rufjon o‘g‘li tomonidan O‘zbekiston Respublikasi Prezidenti huzuridagi Ijtimoiy himoya milliy agentligi Toshkent shahar boshqarmasi Chilonzor tumani “Healing Way” MChJ tomonidan davlat-xususiy sheriklik asosida tashkil etilgan “Erta aralashuv” xizmati faoliyati joyiga chiqqan holda o‘rganildi.
O‘rganish davomida rivojlanishida nuqsonlari bo‘lgan bolalar uchun yaratilgan shart-sharoitlar, xizmatlarni tashkil etish holati, bolalar va ularning ota-onalariga ko‘rsatilayotgan amaliy yordam hamda xizmatlar sifati bilan yaqindan tanishildi.
Mazkur “Erta aralashuv” xizmatining tashkil etilishi O‘zbekiston Respublikasi Prezidentining 2026-yil 27-apreldagi PF-69-son Farmoni hamda O‘zbekiston Respublikasi Vazirlar Mahkamasining 2026-yil 21-maydagi 271-son qarori bilan belgilangan vazifalar asosida amalga oshirilmoqda.
Ushbu hujjatlarda rivojlanishida nuqsonlari mavjud bo‘lgan bolalarni erta aniqlash, ularga zarur ijtimoiy, reabilitatsiya va korreksion-pedagogik xizmatlarni o‘z vaqtida ko‘rsatish, shuningdek, ularning ota-onalarini qo‘llab-quvvatlashga qaratilgan “Erta aralashuv” xizmatini tashkil etish nazarda tutilgan.
O‘rganish jarayonida xizmat faoliyatini yanada takomillashtirish, bolalar uchun qulay sharoitlarni ta’minlash hamda ko‘rsatilayotgan ijtimoiy xizmatlar samaradorligini oshirish masalalariga alohida e’tibor qaratildi.
Farzandlar manfaatlari — e’tibor va g‘amxo‘rlik markazida!