Aholining kundalik hayotiga bevosita ta’sir ko‘rsatadigan ijtimoiy loyihalarni qo‘llab-quvvatlash va saylovchilar manfaatlarini ro‘yobga chiqarish borasida yana bir muhim qadam tashlandi.
O‘zbekiston Respublikasi Prezidentining 2025-yil 29-avgustdagi PQ-264-sonli hamda 2026-yil 29-iyundagi PQ-243-sonli qarorlari asosida deputatlarga tashabbusli budjet jarayonlarida g‘olib bo‘lmagan, biroq aholi uchun muhim va hudud rivojiga bevosita xizmat qiladigan loyihalarni qo‘shimcha g‘olib sifatida tanlash imkoniyati berilgan.
Shu asosda Oliy Majlis Qonunchilik palatasi 71-Toshkent shahar saylov okrugi deputati Axmedov Durbek Qudratillayevich tomonidan aholining manfaatlari va hududdagi mavjud ehtiyojlar inobatga olinib, Chilonzor tumanidagi 309-sonli Davlat maktabgacha ta’lim tashkilotini qurilish-ta’mirlash bilan bog‘liq loyiha deputat tanloviga asosan “Ochiq budjet” elektron axborot portalida qo‘shimcha g‘olib deb topildi. 🏆
⭐️ Eng muhimi — mazkur loyiha respublika budjetidan moliyalashtiriladi!
Ushbu tashabbus natijasida maktabgacha ta’lim tashkilotining moddiy-texnik va infratuzilmaviy holatini yaxshilash, tarbiyalanuvchilar uchun yanada qulay va zamonaviy sharoitlar yaratish imkoniyati kengayadi.
Bu — xalq vakili va saylovchilar o‘rtasidagi amaliy hamkorlikning yana bir yorqin natijasi!