#sessiyadan_jarayonlar #deputatlik_faoliyati_Uchtepa #Open_byudjet

TASHABBUSLI BUDJET - YANA BIR LOYIHA QO‘SHIMCHA RAVISHDA MOLIYALASHTIRILADI

🇺🇿 Xalq deputatlari Uchtepa tumani Kengashining III chaqiriq 34-sessiyasida “Tashabbusli budjet” jarayonining 2026-yil II mavsumida qo‘shimcha loyihani moliyalashtirish masalasi ham keng muhokama qilindi.

🗂 Mazkur masala O‘zbekiston Respublikasi Prezidentining 2021-yil 13-apreldagi PQ-5072-son qarori, Oliy Majlis Senati Kengashining 2024-yil 30-yanvardagi KQ-666-IV-son qarori bilan tasdiqlangan Nizom, Iqtisodiyot va moliya vazirligining tegishli xati hamda tuman hokimi o‘rinbosari O.Raxmonberdiyevning bildirgisi asosida ko‘rib chiqildi.

🕯 Muhokamalar davomida 2026-yil II mavsumida fuqarolar tomonidan ilgari surilgan, ovoz berish jarayonida yetarli ovoz to‘plagan, biroq asosiy g‘oliblar ro‘yxatiga kira olmagan loyihani qo‘shimcha ravishda moliyalashtirish masalasi ko‘tarildi.

🤝 Kengash deputatlari tomonidan mazkur tashabbus keng muhokama qilinib, fuqarolar tomonidan bildirilgan taklifni qo‘llab-quvvatlash va loyihani g‘oliblar qatoriga qo‘shimcha ravishda kiritish taklifi ma’qullandi.

🏫 Natijada 107-sonli umumta’lim maktabining moddiy-texnik va infratuzilmaviy holatini yaxshilashga qaratilgan muhim ishlarni amalga oshirish imkoniyati yaratildi.
Xususan:
✍️ maktab tom qismini qattiq qoplamaga almashtirish;
✍️ suv oqova tizimi uchun suv tarnovlarini o‘rnatish;
✍️ hojatxonalarni ta’mirlash;
✍️ hududdagi yo‘laklarni ta’mirlash;
✍️ maktabning ichki va tashqi ta’mirtalab qismlarini mukammal ta’mirlash ishlari amalga oshirilishi ko‘zda tutilmoqda.

✨ Eng muhimi, ushbu qaror orqali fuqarolarning tashabbusi e’tiborsiz qoldirilmadi. Yetarli ovoz to‘plagan, ammo asosiy g‘oliblar ro‘yxatiga kira olmagan loyiha ham qo‘shimcha ravishda qo‘llab-quvvatlanib, aholi ovozi amaliy natijaga aylantiriladigan bo‘ldi.

🏛 Mahalliy Kengash deputatlarining asosiy vazifasi — xalq fikrini eshitish, tashabbuslarni qo‘llab-quvvatlash va hudud rivojiga xizmat qiladigan qarorlarni qabul qilishdir.