Xalq deputatlari Qo‘qon shahar Kengashi deputati F.Qaxxarova tomonidan saylovchilar bilan o‘tkazilgan uchrashuv va murojaatlar asosida navbatdagi deputatlik so‘rovi yuborildi.

️Saylovchilar bilan o‘tkazilgan uchrashuvlar davomida Qo‘qon shahar “Kalvak” MFY, A.Umarhon ko‘chasi 279-uyda yashovchi fuqaro Xudayqulova Gulnorahon hamda A.Umarhon ko‘chasi 281-uyda yashovchi fuqaro Mo‘ydinov O‘ktamjonlar murojaat qildi.

Murojaatda fuqarolar “A.Umarhon ko‘chasi”ning 360 kvadrat metr qismi uzoq yillardan buyon asfaltlashtirilmay kelinayotganligi, ushbu holat aholiga kuz-qish mavsumlarida noqulaylik to‘g‘dirayotgani hamda haqli e’tirozlarga sabab bo‘layotganligini bildirishgan. Mazkur masalaga amaliy yechim topish munosabati bilan deputat tomonidan Qo‘qon shahar “Obodonlashtirish” boshqarmasi boshlig‘i nomiga deputatlik so‘rovi yuborildi.

Deputatlik so‘rovida Qo‘qon shahar “Kalvak” MFY aholisi tomonidan ko‘tarilgan “A.Umarhon ko‘chasi”ning 360 kvadrat metr qismini asfaltlashtirish masalasi yuzasidan O‘zbekiston Respublikasi Prezidentining PQ-440-sonli qarori ijrosi bo‘yicha qanday chora-tadbirlar ko‘rilishi hamda ushbu ko‘cha qachon asfaltlashtirilishi yuzasidan asoslantirilgan ma’lumot berish so‘ralgan.

Mazkur so‘rov orqali hududdagi yo‘l infratuzilmasini yaxshilash, kuz-qish mavsumida aholiga qulay shart-sharoitlar yaratish hamda fuqarolarning haqli e’tirozlarini bartaraf etish maqsadi ko‘zlangan.

Mazkur masala deputat nazoratiga olingan bo‘lib, qonunchilikda belgilangan tartibda deputatlik so‘roviga javob taqdim etilishi hamda amalga oshirilgan ishlar haqida qo‘shimcha ma’lumot berib boriladi.

Xalq deputatlari Qo‘qon shahar Kengashi