#_deputat_faoliyati
#_24_ta_masala
#_kotibiyat_xodimi_faoliyati
Xurshid mahallasida mas’ullar faoliyati o‘rganildi

Xalq deputatlari tuman Kengashining “20-So‘fiyon” saylov okrugidan saylangan deputati T.Mirzayev hamda kotibiyati xodimlari tomonidan deputatning saylov okrugiga kiruvchi Xurshid mahallasida o‘rganish ishlari olib borildi.
O‘rganish davomida mahalladagi hokim yordamchisi hamda profilaktika inspektorining faoliyati tahlil qilinib, hududda aholi bilan ishlash, fuqarolarning murojaatlarini o‘rganish va mavjud muammolarni hal etish borasida amalga oshirilayotgan ishlar ko‘rib chiqildi.

Mazkur o‘rganish tuman Kengashining 2026-yilga mo‘ljallangan ish rejasining 5-bandida belgilangan vazifalar ijrosini ta’minlash maqsadida amalga oshirildi.
O‘rganish jarayonida, avvalo, hududdagi ishsiz va ish izlayotgan fuqarolarni munosib ish o‘rinlariga joylashtirish, aholining doimiy daromad manbalarini shakllantirish, mehnat bozoridagi talab va taklifni muvofiqlashtirish hamda fuqarolarga mavjud bo‘sh ish o‘rinlari to‘g‘risida zarur ma’lumotlarni yetkazish masalalariga alohida e’tibor qaratildi.

Shuningdek, mahallada jinoyatchilik va huquqbuzarliklarning oldini olish, profilaktik hisobda turuvchi fuqarolar bilan manzilli ishlash, yoshlar va voyaga yetmaganlar o‘rtasida nazoratsizlikning oldini olish, oilaviy nizolarni barvaqt aniqlash hamda ularning kelib chiqish sabablarini bartaraf etish borasidagi ishlar holati ham tahlil qilindi.

Mas’ullarga hududdagi muammoli oilalar va ishsiz fuqarolar bilan individual ishlash, mavjud imkoniyatlardan samarali foydalanish, fuqarolar murojaatlarini o‘z vaqtida ko‘rib chiqish hamda aniqlangan muammolarni tegishli tashkilotlar bilan hamkorlikda hal etish yuzasidan tavsiyalar berildi.

O‘rganish yakunlari bo‘yicha aniqlangan masalalarni bartaraf etish, mahallada aholi bandligini ta’minlash va huquqbuzarliklarning oldini olish borasidagi ishlarni yanada kuchaytirish yuzasidan tegishli takliflar ishlab chiqildi.

Deputatlik nazorati doirasida olib borilayotgan bunday o‘rganishlar mahallalarda aholi muammolarini manzilli o‘rganish, mas’ullar faoliyati samaradorligini oshirish hamda fuqarolar manfaatlarini ta’minlashga xizmat qiladi.