#_deputat_faoliyati
AHOLI MUROJAATLARI IJOBIY HAL ETILDI

Fuqarolar murojaatlarini o‘rganish va ularning muammolarini amaliy hal etish borasida deputatlar tomonidan tizimli ishlar olib borilmoqda.

Xalq deputatlari tuman Kengashi deputati M.Rajabovga saylangan hududidagi, xususan, Sharg‘un shahridagi mahalla aholisi tomonidan hududda maishiy chiqindilar o‘z vaqtida olib ketilmayotgani yuzasidan murojaat yo‘llangan.

Mazkur murojaat xalq deputatlari tuman Kengashi deputatlari M.Rajabov, N.Chorshabiyeva hamda mas’ul tashkilotlar vakillari ishtirokida joyiga chiqib o‘rganildi.

O‘rganish natijasida mahalla hududidagi to‘planib qolgan chiqindilar tozalandi.

Shuningdek, chiqindilarni tartibli yig‘ish va o‘z vaqtida olib chiqib ketishni ta’minlash maqsadida chiqindi tashlash uchun konteyner hamda chiqindilarni olib ketuvchi maxsus transport vositasi ajratildi.

Shu tariqa, mahalla aholisi tomonidan bildirilgan murojaat amaliy choralar ko‘rilishi natijasida ijobiy hal etildi.

Deputatlarning fuqarolar bilan bevosita muloqot qilishi, murojaatlarni joyiga chiqib o‘rganishi va aniqlangan muammolarni mas’ul tashkilotlar bilan hamkorlikda bartaraf etishi aholi manfaatlarini ta’minlashga xizmat qilmoqda.