Deputat nazorati: 31-maktabdagi qurilish ishlari o‘rganildi

📌Ta’lim muassasalarida yaratilayotgan shart-sharoitlarni yaxshilash, qurilish va rekonstruksiya ishlarining sifatli hamda belgilangan muddatlarda amalga oshirilishini ta’minlash deputatlik nazoratining muhim yo‘nalishlaridan biri hisoblanadi.
📌Shu maqsadda Xalq deputatlari Jondor tumani Kengashiga 9-«Obod» saylov okrugidan saylangan deputat B. Yusupov hamda tuman Kengashi kotibiyati mudiri I. Xolov hamkorligida Obod mahalla fuqarolar yig‘ini hududidagi 31-sonli umumta’lim maktabining qurilish-montaj ishlari o‘rganildi.
📌O‘rganish davomida mazkur ta’lim muassasasida investitsiya loyihasi doirasida amalga oshirilayotgan qurilish ishlarining borishi, bajarilayotgan ishlar sifati hamda loyiha talablariga muvofiqligiga e’tibor qaratildi.
📌Mas’ullar bilan muloqotda qurilish jarayonida belgilangan talablarga qat’iy rioya etish, ishlarni sifatli tashkil qilish va ta’lim muassasasini belgilangan muddatlarda foydalanishga topshirish muhimligi ta’kidlandi.
📌Aniqlangan masalalar va qurilish jarayonining keyingi bosqichlari deputat tomonidan nazoratga olindi. Shuningdek, loyiha doirasida amalga oshirilayotgan ishlarning samaradorligi va natijadorligini ta’minlash bo‘yicha mas’ullarga tegishli tavsiyalar berildi.
📌Deputatlik nazoratining bunday amaliy shakli hududdagi ijtimoiy obyektlarning sifatli barpo etilishi, eng muhimi, o‘quvchilar uchun zamonaviy va qulay ta’lim muhitini yaratishga xizmat qiladi.