Xalq deputatlari Oltinsoy tuman Kengashi deputati Xurram Xo‘jaqulov tomonidan tuman hokimining o‘rinbosari Shavkat Muminovga rasmiy deputat so‘rovi kiritildi.
Deputat so‘rovida keltirilishicha:

Murojaat va e’tirozlar: Tumaning “Olmazor” mahallasi hududida saylovchilar bilan o‘tkazilgan uchrashuvlarda aholini suyultirilgan gaz ballonlari bilan ta’minlash borasida haqli e’tirozlar bildirildi.

Kechikish holatlari: Amaldagi tartibga ko‘ra suyultirilgan gaz ballonlarini to‘ldirish xizmati har 45 kunda kamida bir marotaba amalga oshirilishi lozim bo‘lsa-da, “Olmazor” mahallasiga so‘nggi 82 kun davomida maxsus transport vositasi kelmagani aniqlandi.

Deputat talabi: Aholining maishiy ehtiyojlarini o‘z vaqtida qondirish maqsadida 2026-yil 10-sentyabga qadar mahallani suyultirilgan gaz ballonlari bilan to‘liq ta’minlash, xizmat ko‘rsatish muddatlarini uzluksiz tashkil etish hamda amalga oshirilgan ishlar yuzasidan yozma ma’lumot taqdim etish so‘raldi.

Aholi turmush sharoitlarini yaxshilash va mavjud muammolarni bartaraf etish masalasi deputatning qat’iy nazoratiga olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz