Furqat tumanida aholi, ayniqsa yoshlar o‘rtasida sog‘lom turmush tarzini targ‘ib qilish, sportga bo‘lgan qiziqishni yanada oshirish, mahallalar o‘rtasida do‘stona raqobat va hamjihatlik muhitini mustahkamlash maqsadida tashkil etilgan «Xalq deputatlari Furqat tumani Kengashi Kubogi» mini-futbol bo‘yicha tuman birinchiligi o‘z yakuniga yetdi.

Musobaqa davomida mahallalardan ishtirok etgan jamoalar g‘oliblik uchun qizg‘in va murosasiz bahslarda kuch sinashdilar. Finalga qadar munosib natijalar bilan yetib kelgan «Ko‘k do‘ppi» hamda «Jaloer» jamoalari o‘rtasidagi hal qiluvchi uchrashuv esa muxlislarga haqiqiy futbol bayrami kayfiyatini ulashdi.

Qiziqarli va keskin kurashlarga boy kechgan final bahsida «Ko‘k do‘ppi» jamoasi 3:2 hisobida g‘alaba qozonib, «Xalq deputatlari Furqat tumani Kengashi Kubogi»ning mutlaq g‘olibi bo‘ldi.

🥇 1-o‘rin — «Ko‘k do‘ppi» jamoasi
🥈 2-o‘rin — «Jaloer» jamoasi
🥉 3-o‘rin — «Katta-Yangi» MFY jamoasi

Shuningdek, musobaqada o‘z mahorati bilan alohida ajralib turgan iqtidorli yoshlar ham maxsus nominatsiyalar bo‘yicha munosib taqdirlandilar.

Tadbirda Xalq deputatlari Furqat tumani Kengashi raisi R.Meliqo‘ziev, Kotibiyat mudiri I.Juraev, viloyat Kengashi deputati M.Yunusov, tuman hokimi E.Asronkulov, shuningdek, bir qator tashkilotlar va keng jamoatchilik vakillari ishtirok etdilar.

Taqdirlash marosimida g‘olib va sovrindor jamoalarga diplom hamda esdalik sovg‘alari topshirilib, musobaqada faol ishtirok etgan sportchilarning mehnati va intilishi munosib e’tirof etildi.

🏆 Kengash Kubogining mutlaq g‘olibi — «Ko‘k do‘ppi» jamoasi! G‘alaba muborak, yigitlar! 👏⚽️

Sizlarning ushbu g‘alabangiz ortidagi mehnat, intilish, jamoaviy hamjihatlik va g‘alabaga bo‘lgan ishonchingiz alohida e’tirofga loyiq.

Shu o‘rinda, «Xalq deputatlari Furqat tumani Kengashi Kubogi» mini-futbol musobaqasini yuqori saviyada tashkil etish va o‘tkazishda amaliy yordam ko‘rsatgan Furqat tumani hokimligi, Furqat tumani sport maktabi, Yoshlar ishlari agentligi hamda huquq-tartibot organlariga samimiy minnatdorchilik bildiramiz.

Shuningdek, musobaqa davomida jamoalarni qo‘llab-quvvatlab, bahslarga ko‘tarinki ruh bag‘ishlagan barcha muxlislar va keng jamoatchilik vakillariga ham tashakkur izhor etamiz.

Bunday musobaqalarning muntazam tashkil etilishi yoshlarni sportga keng jalb qilish, ularning bo‘sh vaqtini mazmunli tashkil etish, sog‘lom raqobat va jamoaviylik muhitini shakllantirishga xizmat qiladi.

⚽️ Sport bor joyda — sog‘lom muhit, birdamlik va yangi zafarlar bor!

🏆 Kengash Kubogi muborak bo‘lsin!
«Ko‘k do‘ppi» jamoasiga yangi g‘alabalar tilaymiz!