Xalıq deputatları Qaraózek rayonlıq Keńesi sekretariatı baslıǵı Q.Jaqsımuratov, deputat A.Kelimbetova, Respublika ruwxıylıq hám aǵartıwshılıq orayı rayonlıq bólimi baslıǵı J.Nuratdinovalar Esim MPJ aymaǵındaǵı Jańa Ózbekstan massivinde jaylasqan 2-sanlı mektepte bolıp, jańa oqıw jılına tayarlıq jumısların arnawlı sorawnama tiykarında úyrendi.  2-sanlı mektep zamanagóy úlgide qurıp pitkerilip, búgingi kúnde  462 oqıwshı qamtılǵan. Jámi pedagoglar sanı 48, sonnan joqarı kategoriyalı 8, birinshi kategoriyalı 23, ekinshi kategoriyalı 22 hám 24 qánige muǵallimler jumıs alıp barmaqta.
Mektep átirapı ǵárezsizlik bayramı hám jańa oqıw jılına baǵıshlanǵan kórgizbeli stendler, bezewler menen bezetilgen bolıp, aymaǵı abadanlastırılǵan hám kórkem terek nálleri, gúller egilgen.
Klass xanalar,  bayramǵa múnásip bezekler menen bezetilip, ishki xanalarda oqıwshılar ushın qolaylı sharayat, imkaniyatlar jaratılǵan.