O‘zbekiston va Singapur o‘rtasida strategik hamda innovatsion sheriklikni yanada kengaytirishga qaratilgan kelishuvlar mamlakatimiz taraqqiyoti uchun muhim ahamiyatga ega, deb hisoblayman.
🔹Ayniqsa, maxsus iqtisodiy zonalar faoliyatini takomillashtirish, Toshkent xalqaro moliya markazi va raqamli bank tizimini rivojlantirishda Singapurning ilg‘or tajribasidan foydalanish yangi investitsiyalar, zamonaviy texnologiyalar va yuqori qo‘shilgan qiymatga ega loyihalarni jalb etish uchun keng imkoniyat yaratadi.
🔹Eng muhimi, bunday hamkorlik innovatsiyalar, raqamlashtirish, tadbirkorlik va inson kapitalini rivojlantirishga xizmat qiladi. Xalq deputatlari Kengashlari darajasida ham ilg‘or xorijiy tajribani o‘rganish va uni hududlarni rivojlantirish jarayonlariga tatbiq etish muhim.
🔹Ishonchim komilki, O‘zbekiston va Singapur o‘rtasidagi strategik sheriklik yangi bosqichga ko‘tarilib, yurtimizning iqtisodiy salohiyatini yuksaltirish, zamonaviy ish o‘rinlari yaratish va aholi farovonligini oshirishga munosib hissa qo‘shadi.

U. Ro‘ziyev,
Xalq deputatlari Jondor tumani Kengashi deputati