Xalq deputatlari Jondor tumani Kengashi deputati N.Fatullayeva hamda tuman Kengashi kotibiyati mudiri I.Xolov tomonidan “Zarafshon” mahallasida amalga oshirilayotgan tadbirkorlik loyihalaridan biri — milliy shirinliklar sexining qurilish jarayoni bilan tanishildi.
⚡️Tashrif davomida sexda olib borilayotgan qurilish ishlari, ishlab chiqarishni yo‘lga qo‘yish bo‘yicha rejalar hamda yaratilayotgan sharoitlar ko‘zdan kechirildi. Ushbu loyiha orqali milliy shirinliklarni zamonaviy usullarda ishlab chiqarish, aholiga sifatli va mazali mahsulotlar yetkazib berish bilan bir qatorda, yangi ish o‘rinlari yaratish maqsad qilingan.
⚡️Milliy shirinliklar tayyorlash an’analarini asrab-avaylash va ularni zamonaviy tadbirkorlik bilan uyg‘unlashtirish muhim ahamiyat kasb etadi. Bunday tashabbuslar mahallada yangi ishlab chiqarish subyektlarini ko‘paytirish, aholi bandligini ta’minlash va oilalar daromadini oshirishga xizmat qiladi.
⚡️Deputat va Kengash kotibiyati mas’uli tomonidan loyiha tashabbuskorlarining fikr-mulohazalari tinglanib, sex faoliyatini samarali yo‘lga qo‘yish, mavjud masalalarni bartaraf etish hamda tadbirkorlik subyektlarini qo‘llab-quvvatlash masalalari yuzasidan muloqot o‘tkazildi.
⚡️Xalq deputatlari mahalliy Kengashlari tomonidan hududlarda tadbirkorlik tashabbuslarini qo‘llab-quvvatlash va ularning muammolarini o‘rganishga qaratilgan bunday amaliy ishlar mahalliy iqtisodiyot rivojiga munosib hissa qo‘shishi shubhasiz.