Yangidan qurilib, zamonaviy talablar asosida foydalanishga topshirilgan 7-son umumiy o‘rta ta’lim maktabining ochilish marosimi ko‘tarinki ruhda o‘tkazildi.
🔵Tantanali tadbirda Xalq deputatlari Jondor tumani Kengashi deputati, tuman hokimi Jamshid Xudoyev ham ishtirok etdi.
🔵Tadbirda ta’lim sohasiga qaratilayotgan e’tibor, yosh avlod uchun yaratilayotgan zamonaviy shart-sharoitlar va yangi maktabning ahamiyati haqida so‘z yuritildi. Yangi ta’lim muassasasi o‘quvchilarning sifatli ta’lim olishi, zamonaviy bilim va ko‘nikmalarni egallashi uchun barcha zarur imkoniyatlarni yaratishi ta’kidlandi.
🔵Zamonaviy, shinam va qulay maktab binosining foydalanishga topshirilishi nafaqat o‘quvchilar, balki pedagoglar va ota-onalar uchun ham quvonarli voqea bo‘ldi.
🔵Zero, ta’limga investitsiya — kelajakka investitsiyadir. Bugun barpo etilayotgan zamonaviy maktablar ertangi kunning bilimli, salohiyatli va vatanparvar avlodini tarbiyalashga xizmat qiladi.