#24_masala
✅Хафталик "Иш режа асосида“ 📈 КАМБАҒАЛЛИКНИ ҚИСҚАРТИРИШ ВА ОИЛАЛАР ДАРОМАДИНИ ОШИРИШ — ДЕПУТАТЛИК НАЗОРАТИНИНГ УСТУВОР ЙЎНАЛИШИ
Халқ депутатлари Наманган тумани Кенгаши депутати Х. Холиқов ҳамда Кенгаш бош мутахассиси О. Юсупов иштирокида маҳаллада ҳоким ёрдамчиси томонидан аҳолини камбағалликдан чиқариш, оилалар даромадларини ошириш ва уларнинг иқтисодий фаоллигини таъминлаш борасида амалга оширилаётган ишлар юзасидан кенг қамровли ўрганиш ўтказилди.
Ўрганиш давомида ҳоким ёрдамчиси томонидан "Сайҳун" электрон платформаси орқали шакллантирилган эҳтиёжманд оилалар билан олиб борилаётган манзилли ишлар, уларнинг бандлигини таъминлаш, тадбиркорликка жалб қилиш, касб-ҳунарга ўқитиш, имтиёзли кредит ва субсидиялар ажратиш ҳамда томорқадан самарали фойдаланиш бўйича амалга оширилаётган чора-тадбирлар таҳлил қилинди.
Шунингдек, уйма-уй юриш орқали камбағаллик рўйхатига киритилган оилаларнинг бугунги ижтимоий-иқтисодий ҳолати, яратилган иш ўринлари, ташкил этилган тадбиркорлик субъектлари, кредит маблағларининг мақсадли сарфланиши ҳамда аҳоли даромадларини оширишга қаратилган лойиҳаларнинг амалий натижалари ўрганилди.
Депутатлик назорати жараёнида аниқланган ҳолатлар юзасидан масъулларга амалий таклиф ва тавсиялар берилди. Айрим йўналишларда иш самарадорлигини янада ошириш, фуқароларнинг доимий даромад манбаини шакллантириш, камбағалликни қисқартириш дастурлари ижросини кучайтириш бўйича тегишли вазифалар белгилаб олинди.
Халқ депутатлари Кенгаши томонидан амалга оширилаётган бундай назорат тадбирлари давлат дастурлари ижросининг очиқлиги ва самарадорлигини таъминлаш, аҳоли фаровонлигини юксалтириш ҳамда маҳаллаларда барқарор ижтимоий-иқтисодий муҳитни шакллантиришга хизмат қилмоқда.