#24_masala
✅Котибият "Иш режа асосида“ Хотин-қизлар фаоллиги — маҳалла тараққиёти ва жамият барқарорлигининг муҳим омили: амалий ишлар, муаммолар ва ечимлар депутатлик назоратида

Халқ депутатлари Наманган тумани Кенгаши бош мутахассислари М. Қурбанов ва О. Юсупов, шунингдек, 4-Миришкор сайлов округи депутати Бахриддинов Аъзамжон Зиёвиддин ўғли иштирокида Фаравон маҳалласида «Хотин-қизлар фаоллиги — маҳалла тараққиёти ва жамият барқарорлигининг муҳим омили» мавзусида амалий ўрганиш ишлари олиб борилди.
Ўрганишлар давомида маҳаллада хотин-қизларнинг ижтимоий-сиёсий фаоллигини ошириш, уларни бандликка жалб этиш, тадбиркорлик ташаббусларини қўллаб-қувватлаш, касб-ҳунарга ўқитиш, ижтимоий ҳимояга муҳтож аёлларга кўмак бериш ҳамда оилалардаги ижтимоий муҳитни мустаҳкамлаш борасида амалга оширилаётган ишлар атрофлича таҳлил қилинди.
Шунингдек, хотин-қизлар муаммоларини ўз вақтида аниқлаш ва ҳал этиш, «Аёллар дафтари»га киритилган фуқаролар билан манзилли ишлаш, доимий даромад манбаини яратиш, соғлом турмуш тарзини тарғиб қилиш ҳамда ҳуқуқий ва психологик кўмак кўрсатиш йўналишидаги ишлар ҳолати ўрганилди.
Ўрганиш жараёнида айрим тизимли камчиликлар, жумладан, хотин-қизларнинг доимий бандлигини таъминлаш, касбга йўналтириш, тадбиркорлик лойиҳаларига жалб қилиш, мавжуд имкониятлар ҳақида ахборот етказиш ва манзилли ишларнинг самарадорлигини янада ошириш зарурлиги қайд этилди.
Аниқланган муаммолар юзасидан маҳалла «еттилиги», мутасадди ташкилотлар ва масъул идоралар иштирокида амалий таклифлар ишлаб чиқилиб, уларни бартараф этиш бўйича аниқ чора-тадбирлар белгилаб олинди. Белгиланган вазифалар ижроси устидан доимий депутатлик назорати амалга оширилиши таъкидланди.
Хотин-қизларнинг фаоллиги, ҳуқуқ ва манфаатларини таъминлаш, уларнинг жамиятда муносиб ўрин эгаллаши учун зарур шарт-шароитлар яратиш — маҳалла тараққиёти ва юрт равнақининг муҳим кафолатидир.