Xalq deputatlari Parkent tuman Kengashiga 24-“Tolbuloq” saylov okrugidan saylangan deputat Uboydullayeva Yulduz Abrorjonovna tomonidan “Tolbuloq” mahalla fuqarolar yig‘inida deputatlik nazorati doirasida o‘rganish olib borildi.O‘rganish davomida mahallada aholi bandligini ta’minlash, fuqarolarning daromad manbalarini kengaytirish hamda oilalarni kambag‘allikdan chiqarish borasida hokim yordamchisi G.Xatanova tomonidan amalga oshirilayotgan ishlarning samaradorligi tahlil qilindi.Jumladan, fuqarolarga tadbirkorlik faoliyatini yo‘lga qo‘yish va daromadlarini oshirish uchun ajratilgan imtiyozli kredit mablag‘laridan foydalanish holati, amalga oshirilayotgan loyihalarning natijadorligi hamda yaratilayotgan imkoniyatlarning amaliy samarasi o‘rganildi.Deputat tomonidan oilaviy tadbirkorlikni rivojlantirish dasturlari doirasida chorvachilik yo‘nalishida ajratilgan 30 million so‘mlik imtiyozli kredit mablag‘lari hisobidan amalga oshirilgan loyiha bevosita xonadonga chiqib ko‘zdan kechirildi. Mazkur mablag‘ hisobidan fuqaro qo‘ylar xarid qilib, chorvachilik faoliyatini yo‘lga qo‘ygani aniqlandi.Shuningdek, xarid qilingan chorva mollari, kredit mablag‘larining maqsadli sarflangani va loyihaning amaldagi faoliyati joyida o‘rganildi.Nazorat natijalariga ko‘ra, o‘rganilgan loyihada ajratilgan mablag‘lardan belgilangan maqsadda foydalanilayotgani, fuqaro tomonidan tadbirkorlik faoliyati yo‘lga qo‘yilgani hamda loyiha orqali qo‘shimcha daromad manbai yaratilayotgani aniqlandi.Shuningdek, mahallada aholi bandligini yanada oshirish, tadbirkorlik tashabbuslarini qo‘llab-quvvatlash, yangi daromad manbalarini yaratish va kambag‘al oilalarni kambag‘allikdan chiqarishga qaratilgan ishlarni kuchaytirish yuzasidan mas’ullarga tegishli tavsiya va takliflar bildirildi.Joyiga chiqib o‘tkazilayotgan bunday deputatlik nazorati tadbirlari hududlarda amalga oshirilayotgan ishlarning haqiqiy natijasini baholash,mavjud muammolarni aniqlash va ularni amaliy hal etishga qaratilgan.